ვინ ექვემდებარება გაშვილებას

ბავშვი გაშვილებას ექვემდებარება იმ შემთხვევაში თუ:

• მისი მშობელი (მშობლები) სასამართლომ აღიარა ქმედუუნაროდ, უგზო-უკვლოდ დაკარგულად ან გარდაცვლილად;
• არ ჰყავს მშობლები (ობოლი);
• აღიარებულია მიტოვებულ ბავშვად;
• მშობელმა (მშობლებმა) თანხმობა განაცხადა (განაცხადეს) ბავშვის გაშვილებაზე, და მიტოვების თაობაზე;
• მშობელს (მშობლებს) ჩამოერთვა (ჩამოერთვათ) მშობლის უფლება.

ბავშვის გაშვილებაზე თანხმობის და მიტოვების განაცხადი და პროცედურა

• ბავშვის გაშვილების მსურველმა მშობელმა (მშობლებმა) უნდა მიმართოს სოციალური მომსახურების სააგენტოს ტერიტორიულ ორგანოს რეგისტრაციის ან ფაქტობრივი საცხოვრებელი ადგილის მიხედვით;
• სააგენტოს ტერიტორიულ ორგანოში მშობელი ავსებს ბავშვის გაშვილებაზე თანხმობისა და მიტოვების შესახებ ფორმას;
• მშობელს აქვს უფლება შეცვალოს გადაწყვეტილება ბავშვის გაშვილების თაობაზე სასამართლოს მიერ გადაწყვეტილების გამოტანამდე.